جرا الخضراء

هى دعوة للخيروالحق والجمال ...جرا فى قلوبنا الى الابد...وستظل دوما ...
 
الرئيسيةبحـثالمجموعاتالتسجيلدخول

شاطر | 
 

 تم النقل؟؟؟؟؟؟؟؟؟؟؟؟؟؟؟؟؟؟

اذهب الى الأسفل 
كاتب الموضوعرسالة
جرا1
عضو ماسى
عضو ماسى
avatar

عدد المساهمات : 612
تاريخ التسجيل : 09/02/2009

مُساهمةموضوع: تم النقل؟؟؟؟؟؟؟؟؟؟؟؟؟؟؟؟؟؟   16/3/2009, 18:47

طريت جرا
الاستاذ النور قاسم

طريت جرا وطريت ايام زمان فوق قوزة نتبطح

ونتبادل حجي الحبوبة لامن ليلنا فات روَّح
والبجينا فايت مرة ما خلينا كتر فوقنا اتبجح
ان درت الكرم تلقاهو وان جيت لي رجالة ارح
****
نقوم من الصباح العندو بوقة عليها فات ينقح
وفي برودنا برعى شياهي ديك كبشاتي تتناطح
والتور البسوق ارقوق يشيل بي قرنو يتكتح
ولمن يلحق التتق صمد الساقي بي طرعاتو فوق لوََّح

****
طريت القام نقر مركوبو بي بنقالو اتلفح
خت اشارة عبَّر جاي ركز حنوفتو واتنحنح
اسمعوا هوووي مرقت الحد ويمين البختا مابيربح
****
وفي وكت المقيل نتلم نلعب طاب ونتمازح
وشدرة هناك تداعب الموج في روباتة نتطوطح
ونقع الموية داك صوب مع التيار وداك سبح
****
زمان مابعرف الحرقان غدايا بليلي منو اكتح
عشاي قراصة شوف سبروقة رابط فوق وشيها طفح
زمان بنواصل الارحام نتاوق جارنا كيف اصبح
ما قنطرنا بوابات بيوتنا الفي بعض تفتح
****
واحمد يوم خميس ملأ خرجو بالخيرات تقيل يندح
ربطو كل حزمي براها باع لما الرزق سبَّح
ودنقر شخَّت الواطة جمع مرة ومرات كتيري طرح
لا تعقيد ولا كلفة بالبسهله كان ام العيال تفرح
****
وامنة اصالة الاجداد رباية حشمة ما لبست قصير يفضح
كان لا بتعرف الكمدينة لا التوليت من الرُقابة تتسرح
ولا يوم لبست الباروكة حقها فوق صديرة سرح
***
حتى بناتكم السمحات بي مقياس الجمال العندي ضمة قبح
تعال شوف الزمن كيف جار عليهم كل يوم يجنح
وحمادة ان فارق الحمام بلا بشكير من لفحة برد قحقح
وان سلم عليك تخاف من ايدو الينة تتجرح
شارك اختو في حاجاتة حتى من الكريم العندها اتمسح
وان ناقشتو في موضوع علم تلقاهو فوق سطح
بتحسر علي الماضي وبتزكر حياتنا الكان قبيل مسرح
تحكي فصولة تاريخاً نطق بيهو البيان وافصح


عدل سابقا من قبل جرا1 في 16/7/2009, 21:27 عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جرا1
عضو ماسى
عضو ماسى
avatar

عدد المساهمات : 612
تاريخ التسجيل : 09/02/2009

مُساهمةموضوع: رد: تم النقل؟؟؟؟؟؟؟؟؟؟؟؟؟؟؟؟؟؟   19/3/2009, 16:57

في هذه القصيدة الكثير من الكلمات التي تحتاج الي شرح
شان ناس جرا الماعاشو فيها ماب يعرفوها
وحتي الجيل الجديد العايش في جرا في كلمات ماب يعرفها

حدي يتبرع يشرح
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
معاويه عبد الكريم
عضو ماسى
عضو ماسى
avatar

عدد المساهمات : 576
تاريخ التسجيل : 09/02/2009
العمر : 40
الموقع : قلب سحوره

مُساهمةموضوع: رد: تم النقل؟؟؟؟؟؟؟؟؟؟؟؟؟؟؟؟؟؟   26/3/2009, 13:43

مشكور يا الجندي
ولا نجد مانقوله للمبدع والرائع استاذنا النور قاسم

ولكن ننحني له ونحييه على ابداعه

اما بالنسبه للشرح
في مفردات صعب شرحها ارجو الاتصال بصديق
النور قاسم او عبد الرحيم اسماعيل


بمناسبة القصيده
طلب غنائها فضل علي فضل (قوشابي)
واراد تبديل طريت جرا الي طريت بلدي
وانا شخصيا رفضت وطلبت من النور الرفض
اما ان يغنيها طريت جرا واما يتركها
ارجو المتابعه مع النور يا الجندي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://geera.ahlamontada.net
جرا1
عضو ماسى
عضو ماسى
avatar

عدد المساهمات : 612
تاريخ التسجيل : 09/02/2009

مُساهمةموضوع: رد: تم النقل؟؟؟؟؟؟؟؟؟؟؟؟؟؟؟؟؟؟   26/3/2009, 17:38

انا ابداء الشرح
بوقة او البوقة : هي الزراعة الجديدة اعداد الارض للزراعة وسقيها لاول مرة دا طبعاً لي ناس معينين

البسوق ارقوق: تعني البسوق طول اليوم او البسوق طول الليل في الساقية

بنقالو : هو التوب الكان بي يتلفحه الناس الكبار (في واحد سحر ليه واحد لابسو قال زي الفانوس) عرفتوهو واللا لسع
الرُقابة : هي المرايا
ونواصل بإذن الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تم النقل؟؟؟؟؟؟؟؟؟؟؟؟؟؟؟؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جرا الخضراء :: الفئة الأولى :: الشعر العام(شعراء قرية جرا)-
انتقل الى: