عمكم المثنى
عضو جديد
عدد المساهمات : 17
تاريخ التسجيل : 07/07/2009
 | موضوع: لم الغربة تكون موجعة  7/7/2009, 22:40 | |
| فتشت في دفاتري القديمة ووجدت هذه القصيد كتبت في الزمن الماضي مع بداية الاغتراب عن ارض الوطن وكيف انها كانت موجعة ومتعبة ، ومعها قصيدة اخرى سوف انزلها ايضا بعد ان اعثر عليها واتمنى ان تعجبكم . .
لف دنيانا الظلام غابت عننا الافراح
في بحور الوحدة ابحرنا وبقينا سواح
نفتش للفرح وماعارفين انه عد وراح
اصبحنا زي عصفور مسكين فاقد الجناح
*******
زي زفة بدون زغاريد بدون شموع
خلت ايامي تحزن وتغرق في الدموع
واتعرف شقاي واتعرف الماكان مسموع
وراك غرقت بلاد غرقت مدن ...وربوع
***********
حزن الارض انبت اشجار حزن.. طالت السماء
وعالم المحبة صبح ظلام بقينا فيه ..بدون اسماء
جنة الريدة صبحت خاوية ..بقت دمار
جفت نضارتها و صبحت بدون اشجار
ما قادرين نصدق انه راح ولسه بنقول اشعار
************
وفي هواجس عالمنا عن الصدق كتر السائل
عن زولا غرقت مراكبه ...عند الساحل
واتعلق بالطوق لكن الرجوع ما كان ساهل
غرق ... غرق .وخلاني عن صدقه اجادل
خفت يكون شكوك ...وتروح الحقيقة
وتاني وين ضي... القمروفرحتو
بعد ما غطاه الغيم ومدد مساحتو
يمكن تطلع بعده شمس جديدة تعيد حياتو[ /size]
| |
|
متوكل احمد عمر
مدير المنتدى
عدد المساهمات : 186
تاريخ التسجيل : 02/02/2009
| | موضوع: رد: لم الغربة تكون موجعة 7/7/2009, 22:58 | |
| شكرا ليك يا رائع ونتظر مذيد من الابداع
| |
|
عمكم المثنى
عضو جديد
عدد المساهمات : 17
تاريخ التسجيل : 07/07/2009
| | موضوع: رد: لم الغربة تكون موجعة 7/7/2009, 23:47 | |
| وهذه القصيد ايضا كانت في اوسط الثمانينات وتذكرت البلد ومناسبااتها ذات ليل حزين
الليلة يا يمه بدور أقول كلاما غريب ومن قبل ما أتقال
بدور أفضفض وامرق ألفي الجوف أريح القليب من دي الحال
كثرت الهموم إتلخبط الفكر وفي دروب بعيدة تاه وجال
ما بقدر أشيلها بدورك جنبي عشان أنتي معاي بتتشال
مالي ومال الغربة أريته ما أتلمن القروش ولا أنجمع مال
كم خليت مكانا هز غيري وكم خليت مكانا عال العال
وري الما هو عارف وقولي للداير يعرف وفي فكره سؤال
كل يوم بطراكم وأطرى شتيلا في طريف القوز قام وشال
حليل زمان زمن كنا نجري نلعب ندردق في الرمال
مرات نتلطخ بالطين نسوي البنادق ومرات نبني جمال
بطرا يوم يكون عرس كيف حبوباتنا ينادن تعالوا سوا الفال
المغرب يضووا الرتاين نحرسن نقعد ويقولنا زحوا يا عيال
يجن البنات سمح لابسات وهن شوفتن عاد ما بتسر البال
يمرقن العشا بعد ما عبنه في صفراً أماني ما هن تقال
ملينات فطير سمح ، وكيف ما يكون دا عايستنه ستات الجمال
نشيل الأباريق نقيف فرحانين دا يرين نفوز بخدمة الرجال
دا حالي يا يمة وكل يوم بقيت في بحور الذكرى رحال
متين نعود نرد غربتنا نرجع لبلدنا نلاقيكم ولمنانا ننال
نسأل الله الكريم تتم فسراع وعاد هو الكريم تب ما عنده محال
| |
|
النميرابى
عضو ذهبى
عدد المساهمات : 228
تاريخ التسجيل : 14/02/2009
العمر : 47
الموقع : السعودية/الرياض
| | موضوع: رد: لم الغربة تكون موجعة 8/7/2009, 19:36 | |
| متين نعود نرد غربتنا نرجع لبلدنا نلاقيكم ولمنانا ننال
واللة ماشاء اللة كلمات فى الصميم | |
|
جرا1
عضو ماسى
عدد المساهمات : 612
تاريخ التسجيل : 09/02/2009
| | موضوع: رد: لم الغربة تكون موجعة 9/7/2009, 00:23 | |
| رايع يا مثني
ويا معاوية ضيفو في قائمة شعراء من بلادي | |
|
ahmed dirar
عضو ذهبى
عدد المساهمات : 229
تاريخ التسجيل : 11/02/2009
العمر : 45
الموقع : france /paris mobile 0033642419725
| | موضوع: رد: لم الغربة تكون موجعة 9/7/2009, 05:02 | |
| لك مليون تحيه من نفوس فتحت قلوبها لتستريح مع كلماتك المموسقه
وحقيقه كلمات ممزوجه بالشوق والحنين..واسأل الله ان يرد
غربتك وغربة كل الطيور المهاجره..وتضيئوا
الرتاين..ولكن الكهرباء دخلت خلاص
حليل ايام زمااااااااان... | |
|
hanan
عضو جديد
عدد المساهمات : 12
تاريخ التسجيل : 18/05/2012
| | موضوع: رد: لم الغربة تكون موجعة 22/5/2012, 03:30 | |
| مليت من سنين الغربه للزمان سراقه اريت ارجع لي بلدي ورتاح من الغربه
| |
|
reem
عضو جديد
عدد المساهمات : 2
تاريخ التسجيل : 06/04/2013
| | موضوع: رد: لم الغربة تكون موجعة 6/4/2013, 17:45 | |
| لمن واجعاك الغربه انتا قاعد مالك فيها ماتجي لي بلدك
[b] | |
|
