نكات شوايقة فقط (ممنوع دخول اي شايقي متعقد ) لمصلحته

الجزء الاول :

ادروب سألو تمش الجنة والا النار قال ليهم الشوايقة ماشين وين ؟؟ قالو ليهو ماشين النار قال خلاس بامش معاهم النار يا ادروب الكلام ده كيييف بس؟؟ قال ليهم: الشوايقة ديل ما بمشو حتة الا يكون فيها كّدة ولا منفعة .

شايقي لقو بدق في اولاده الاتنين - سالو مااالك - قال لقيتهم فاتحين المروحة في تلاتة وهم كلهم اتنين بسسس .

شايقي دخل مع ابليس في جمعية . . . شال الصرفة الاولى وقال بسم الله

شايقية عجوز في محو الأمية.... سألتها المدرسة: قولي لي جملة فيها إدغام بغنة ؟
قالت ليها : عمن يعميك

شايقي قال لابوه : ابوي عايز اكمل دراستي بره . . ابوه قال ليهو مافي مشكلة خلي امك تفرش ليك السرير في الحوش بس اوعى البرد ما يطقك

ونواصل

رائع ابو الفوارس

شكرا يا الجنيد علي المرور

الجزء الثاني :

واحد شايقي جاتو ليلة القدر قالو ليه اي حاجة دايرة بتتحقق ليك بشرط انه الجعلي جارك تتحقق ليه نفس الحاجة مرتين قال ليهم قدو لي عيني.

شايقي لقوه بمسح صدره بي ورقة فئة 5جنيه سألوه ليه قال ليهم الدكتور قال لي اشتري زيت سمسم اشربه واتمسح بالباقي.

شايقي نذر لو جاله ولد يصوم خمسة ايام شكر لله ، بعد ايام الولد مات ، صاحبنا راح خاصمهم من رمضان.

واحد شايقي ابوه مات قالو ليه.....ادي الشيخ الغسل ابوك 10 الف قال ليهم ....ليه هو غسل Bmw.

عسكري شايقي لقي جعلي مقتول ما عرف القتله منوسجل القضيه علي فاعل خير.

ونواصل

شكراً يا الفارسى على هذا الابداع...
ملحوظه:-
بعض الناس يفتكروا نحن شوايقه ولكن
الصحيح نحن بديريه دهمشيه
ما شوايقه....
بنتظر تفاعلكم وارآئكم....

نحن بدرية دهمشية لا شك في ذلك ...............!
الشوايقة قبيلة قائمة بذاته لكن نجواورهم في السكن واطبعنا ببعض الثقافاتهم وتقاليدهم كما ان لنا صفات وتقاليد تميزنا عنهم .
ولعرفة اصول قبيلة البديرية الدهمشية وبالأخص قرية جرا : الرجاء زيارة هذا الرابط

http://www.geera.malware-site.www

شنو يا فارس شغال فى الشوايقه كده انت فى شايقيه شوكشتك ولا شنو ؟
شكرا على النكات الطريفه

شكرا هناء علي المروووووور
ما مشوكش ولا اي حاجة .......!
لكن في نظري أحري شاكوش بيكون من شايقية , صاح ؟؟؟؟؟؟؟؟؟

الجزء الثالث :

امام شايقي في الركعة الاخيرة سمع واحد جاي يحصل الركعة ، سلم واقف .

شايق مشى يسجل ولده في المدرسة قالوا ليهو : المدرسة بي خمسمائة جنيه والبص بثلاثين جنيه ، قال ليهم خلاص سجلوهو لي في البص.

شايقي كتب في وصيتو ادفنوني جنب الجعلي . لمن سالوه ليه قلت كدا ؟ قال عشان يوم القيامة الجعلي بيقول حرَم الحساب علي.

شايقية فتحت جواز راجلها لقت مكتوب مهنته رجل اعمال ، قامت مسحت اعمال وكتبت عوضية.

داير تعذب شايقى قطع قروش قداموا.

شـايـقى واقـــف في بص شـاف بنت قـاعـــدة قـام عاين ليها .
عــاينت ليه أبتـــسم ليها أبتســمت ليه غمـــز ليها . غمــزت ليه.
أشـــــر ليها علي المحطة نزلت . . . قعـد محلــــــــــــــها !!!

ونواصل

البديرية والشوايقة
هذا موضوع طويل اري انه يحتاج الي نقاش كتير حا انزله في المنتدي العام بإذن الله

الجزء الرابع :

فى اتنين شـــايقى وجعــلى حكمــوهــــم بالأعـــــدام . بعــدين يـوم الأعــــــدام سالوهم آخر أمنية ليكم قبال ما نعدمكم ؟؟؟ شنو .
الشايقى حنين نط قدام الجعلى قاليهم انا عاوز أشـــوف أمى .
وأنت يا الجعلى داير شنو ؟؟
قاليهم الشــايقى دا ما يشوف أمــــو

سته شوايقة غاطسين فى البحر قالو البطلع أول على سطح المويه الغداء عليهو وحاتكم لى يومى ويومكم ده ماطلعو

إتنين شوايقه زهجانين من نسوانُن
واحِد قال للتاني:نِحنا لمن نموت
ونتزوج الحور العِين نِسوانا ديل بودُوهُم وِين؟
التاني قال ليهُو بعزِبو بيهُم الكُفار

جعلي سألُوهو عن الغُربه كيف
قال والله الغربه شِدة ما حاره
تلاقي الشايقي في الشارِع تسلِم عليهو

شايقى قروشو وقعت منو بالبلكونه وقت نزل ما لقاها عارفين ليه لانو وصل قبلها.......!

ونواصل

فارس انت قعد تجيب المحن دي من وين

الجزء الخامس :

قالو ليكم شايقي قاعد قدام قبر ويبكي بكاء شديد
الجماعة شافو ليك وقالو الشايقي ده مجنون ، ما عارف القبر ده حق الجعلي .. قامو قالو ليهو هاااااااااااا زول نعل ما في عوجة انت ما عارف القبر ده قبر الجعلي
قال ليهم :آي بالحيل عارفوا قبر الجعلي ... لكن أنتوا ما سمعتوا البكاء بعذب الميت ... عشان كده أنا ببكي عشان الجعلي أتعذب أكثر وأكثر .

تمساح خاتي ليهو كوم ليمون جنبه يقشر ويأكل . . . جاء تمساح سأله مالك يا تماسيحو ان شاء الله خير . . قال ليهو والله اتغديت لي بي شايقي عامل لي طُمام . . . قال ليهو اجيب ليك دواء استفراغ . . قال ليهو المشكلة لا معدتي دايرة تهضمه لا الدنيا راضية ارجعه ليها تاني .

شايقي داير ينزل نعي في الجريدة .. كتب :
الشايقي ينعي ابوه ... ويوجد تمر للبيع .

شايقي دخل الجنه وفجاه اختفي ...!
لما فتشوه لقوه بكب في بنزين لي ناس النار

شايقي الحريقه قامت فى بيتو عمل مس كول للمطافى.

شايقى إتصل فيه جورج قرداحي قاليهوا : صديقك ميرغنى الجعلي يبي مساعدتك رد عليه الشايقى وقال قوله .. أني نايم

تمت

الي اللقاء في قبيلة اخري

إنت يا فارس كلام هناء دا صاح فى واحده شايقيه شوكشتك ولا شنو
مالك شغال ليهم كده...إنتوا عارفين يا جماعه فى معلومه مهمه
ولازم نعترف بيها الشايقيه إذا حبت بجد ما بتبيع حبيبها
وبعض الفلاسفه السودانيين قالوا إذا عاوز تكون
سعيد فى حياتك إتزوج شايقيه....

المعلومات دى ما من عندى حقيقه...عشان كده الشايقيات ما بيبورن......
ولا رأيكم شنو..

شكرا ابو احميد والجنيد علي المرور

يا احمد

انا ما بعرف بت شايقية نهائي ......!

لو كلامك يا احمد ده جد نجرب نحب شايقية ونشوف ( الأرضة جربت الحجر ) ........!

في نظري الشايقية حنيييييين وست بيت .........!

العز اهل يا فارس

لكن قالوا زواج الجنس للجنس رحمه...نحن وييييييييين
بنلقى اجمل واحسن من بناتنا ...والواحد فينا
مستعجل للعوده عشان يشوف مين
هى صاحبة النصيب.....

وربنا يسهّل يا فارس

يا احمد حصلوا نفسكم وشوفو بت الحلال المناسبة (جرا بنتا قربو يكملو)
وبنات الزمن ده عندهم الف راي في العريس وكلهم خشو الجامعات وبقوا عندهم راي تاني ...!
الوحده تقول لي التانيه اوعي من المغتربين بيقضو ليكي حب في التلفونات ساكت وبعداك بيركبك الماسورة ...! ويشوف الاصغر منك .....

عوووووووووووك

قطعت مصارين كرعي يافارس
ومعاي مدير الانتاج بتاعنا (دكتور)
وقالي لي اسبوع ماضحكت كده
وقالي فارس دا
يا اما في واحده شايقيه شوكشتو
يا اما في شايقي اكل قروشو

ومشكوووووووووور يافارس

فارس عادل العم كتب:: يا احمد حصلوا نفسكم وشوفو بت الحلال المناسبة (جرا بنتا قربو يكملو)
وبنات الزمن ده عندهم الف راي في العريس وكلهم خشو الجامعات وبقوا عندهم راي تاني ...!
الوحده تقول لي التانيه اوعي من المغتربين بيقضو ليكي حب في التلفونات ساكت وبعداك بيركبك الماسورة ...! ويشوف الاصغر منك .....

هيييييييييييييييييييييييييييييييي
يافارس اعمل حسابك
انت قاصدني واللا شنو ؟؟؟؟؟؟؟
مانحب بالتلفون يعني ؟؟؟؟؟؟؟
تقوم البت دي تقرا الكلام دا وتدقلي جرس

شكرا علي النكات