من باعنا بعناهُ

موضوع: من باعنا بعناهُ 27/5/2009, 23:10

هل صحيح إن مقولة من باعنا بعناه حتى ولو كان غالي علينا؟؟؟
**************
من بـــــــاعنا بـــــــعناه ....جمله الكثير يحتفظ بها في مفضلة الحب
حتى يسارع في استخدامها عندما يشتد الصراع
بين (( القـــــــلب )) و (( الكـــــــرامه.)).
البيع في مصطلحنا اللغوي ......... هو الإستغناء عن الشئ
لعدم الحاجه اليه ,,,

هل من المعقول ان نستغنى عن قلوبنا للإحتفاظ بكرامتنا ؟
لماذا تبيع المحبوبه حبيبها الذى ضحّى من اجلها وتحملّها ................؟
ولماذا يبيع الحبيب محبوبته التى رفضت الآلاف من اجله وتمنته .........؟
ولماذا يبيع الصديق صديقه ؟!!هذه الأسئله حيرتنّى كثيرًا.. و تعمقتُ في هذا الامر ولكني لم اجد سبباً مُقنعاً لذلك........!

صحيحاً انه لابد ان تكون كرامة النفس فوق كل اعتبار.......ولكن!

لماذا ولِدت التضحيه اذا كانت كرامة النفس هي المُنتصره غالباً ؟؟

ام هي مجرد كلمات نؤيد مضمونها ولكن بدون العمل بها ... .....

مقولة من باعنا بعناه حتى لو كان غالي., مقوله تترد على ألسنتا كثيرا.

عندما يبيعك أحد الأشخاص الغالين عليك او يجحد مجهوداتك معه بعد
ان قدمت كل التضحيات من اجله هل
يمكنك إستخدام هذه المقوله ..

ولكن !هل نستطيع تنفيذها في الوقت الحرج ؟؟؟؟؟

واريد من اى عضو ان يضع نفسه موضع على إنه تم بيعه بإبخس الاثمان
ماذا يختار من هذه المقطوعات المتناقضة المعانى..الرد عاجل

(إنشاء الله ما تجيك سعاده وما تتهنى قول آمين.......)

(مسامحك يا حبيبى عشان إنت حبيبى إنت إنت حياتى....الخ)

انتظر تفعالكم وإجاباتكم.

موضوع: رد: من باعنا بعناهُ 28/5/2009, 14:42

(ما تتهنى قول امين)

كل شئ الا الكرامه

موضوع: رد: من باعنا بعناهُ 28/5/2009, 22:08

لكى التحيه الاخت هناء ..كده تمام.. المعامله
بالمثل..العين بالعين والسن بالسن
والبادى اظلم....
والله أشكرك كثيراً على المرور..

وووووووووين باقى الاعضاء...دى حياه مصيريه
اى عضو ما يختار مقطوعه عليه غرامه
الــــــــرد سريع......

موضوع: رد: من باعنا بعناهُ 29/5/2009, 03:19

والله يا ابو احميد ما عارف اقول شنو
عموما بيع الحبييبة للحبيب ما احري من بيع الحبيب لحبيبتو
البنت دائما تختار رد (هناء)
الولد ما بيهمو كتير ممكن يشوف احلي منها والقيظة تكون هي البيعة الاكبر !!!

موضوع: رد: من باعنا بعناهُ 29/5/2009, 08:32

الباعك بيعو والنساك شيل اسمو من دفتر حياتك وعيش حياتك(والله ياست الجمال ماني بكي علي ضايع املي فيك)
حتي لو كان جمال اوحب (مع اني ياست الجمال عاارف جمالك في الجمال طاغي ورهيب وعارف مشاوريك طوال لو ماني عاشق كان مشيها علي صعيب )
وقلبك ماتعود الزل(ماشفتي قلبك حالو كيف من وقده الشوق اللهيب صبرا يبقي زل)
وخلي احساسك ومشاعرك بره وقت الحكايه جابت ليها بيع(وانا قلبي ياست الجمال طيرا سماهو افق رحيب رحال مااتعود شمس تشرق عليهو محل تغيب )
واصلو (ناس نواعم ) ما عندهم كلمه(وين قولك القولتيهو لي انو الزوج قسمه ونصيب دايييييييييير الرجوع مابيمنك قلبك الجروحو البدت تتطيب

وممكن نكون او (ماعارف انت معا غيتو انا منهم) الغلط مننا نكون ادينا زول اكتر من يستحق(غلطان انا السكنتك اعماقي البعيده و وهبتك الحب الكبير)
غداره يا ست الجمال مغروره يا ست الجمال اصلو عزت نفسي اعظم من جمالك بكتير
وناس الجرس (قدر الله ما مده السماء في قلبي ريدك مددو زي ماتدور قلبي سو ما انت اصلو سيدو) انت شكلك منهم Very Happy

تحياتي

موضوع: رد: من باعنا بعناهُ 29/5/2009, 15:42

التضحيه عندنا تعنى اننا ممكن نقيف مع الطرف التانى ونضحى باحالمنا على حسب متطلبات الوضع وننتظر مهما
طال الزمن طالما اننا مقتنعين
بس اضحى بانى اسامح انسان باعنى دى مستحيله حتى لو حاموت بى حبو لاننا الببيع مره انسان ما مضمون وما اهل
للثقه Crying or Very sad

موضوع: رد: من باعنا بعناهُ 29/5/2009, 20:37

من باعك بيعو يا ابوحميد
الكرامة فوق اى شى

موضوع: رد: من باعنا بعناهُ 29/5/2009, 21:22

فى البدايه سلام لكل الأعضاء....واشكركم على المرور...انا فى رأيى
الباعك بيعو ومهما كانت غلاوتو عندك وإذا هو كـــان بيقدّر
الحب ويقدّر مجهوداتك معاهو ما كان بااااااعك نحن فى
زمن القوى يأكل الضعيف والغنى يأكل الفقير
والبنات عندهم البيع عادى...
فى حالة الولد يبقى
ماجادى..
عاوز يمشى معاها الكافتيريات والحفلات ولاقينى والاقيكى ...ودا كلو
بدون علم الاهل...وإذا قالت ليهو تعال إتقدم رسمى هنا
الجرسه تقوم انا ماجاهز ولسه ماعملت تدريب
ولسه ما إشتغلت ولسه ولسه.........
وقولوا لى كيف البنت ما تبييييييع.....
انا فى رأيى البيع مهم جداً...عشان يوّلد الإبداع والفن
وشكراً لتفاعلكم مع القضيه

انا عاوز اى عضو يختار مقطوعه عشان الرد يكون واضح

موضوع: رد: من باعنا بعناهُ 30/5/2009, 01:45

انشاء الله ما تجيك سعاده ما تتهنى قول امين
وازيدك من الشعر بيت لو حصلت حاجه زى دى
ادمنت ريدك عشقت ريد غيرى
انشاء ما تتهنى دعوه خالصه بضميرى

موضوع: رد: من باعنا بعناهُ 30/5/2009, 05:07

بسم اللة الرحمن الرحيم
واللة يادرار الانسان من دون كرامه ولد او بنت لايسوى شى والكرامة اولا واخيرا
ولاكن الانسان يسامح دونها لانو المسامح كريم والمسامحة تكون فى عدم الامنيات
بالشين (انشاء اللة ماتتهنى)(اللة لايوفقها)(ربنا ينتقم منها)وتكون ايضا فى عدم التجريح
لاكن يادرار انتى فى مقطوعه حنينه شويه كان تعملا/ياقلبى ماتحذن انسى النساك احسن
اسال اللة ان يوفق الجميع.

موضوع: رد: من باعنا بعناهُ 30/5/2009, 18:12

اولاً تحياتي للجميع
ماهو البيع في الحب ؟؟؟؟؟
ماهو الفرق بين البيع والقسمه والنصيب ؟؟؟؟؟
هل اي اتنين اتفارقو يكون واحد باع التاني ؟؟؟؟؟
البيع هو ان يترك احدهم الآخر بكامل ارادته ( وبمزاجه)
لكن ربما حدث الفراق لظروف قاهره
ومنها يمكن ان تغصب البنت على الزواج من ابن عمها او احد اقاربها وربما كانت اسرتتها لاتعصي امراً للرجال يعني ابوها قال كلام مايتكسر تاني او عمها اوخاله
ومنها يمكن ان تضحي البنت بحبها لحوجة اهلها للمال نسبةً لظروف الحياه والمدارس
ومنها ان تضحي من اجل عفو الوالدين اذا واحد منهم قاليها لو ماوافقتي ماعافي منك
والامثله كتيره ولكل انسان ظروفه
اما في حالة الولد ممكن يضحي بحبه ايضاً من اجل عفو الوادين
او من اجل الواجب والرجوله والشهامه ولها اسباب كثيره

او ........ او .....
هذا كله ليس بيع
والبيع يحدد حسب ظروف الفراق والاجواء المحيطه والاعذار من الطرفين والاسباب المقنعه
ثم يحدد اذا بيع ام قسمه ونصيب
فالقسمه والنصيب وجهان لعمله واحده
وبينهن خيطاً رفيعاً ودائماً مايحدث بينهن لبس ونقاش ومشاكل

اما ردي على من باعني وبمزاجه :-
اولاً هذه الفتاة كانت في يوم من الايام حبيبتي وأعز انسان بالنسبه لي قطعاً لن اعتبرها عدوي ولن اكرهها وانسى الايام الجميله اللتي قضيناها سوياً
ولن اتمنى لها العذاب والنكد في حياتها مع شخص آخر ولن وابدل حبي لها كرهاً واكون بوجهين
هل يعقل ان يتحول الحب الى كراهيه Mad

؟؟؟؟
سوف اتمنى لها كل الخير وان تعيش حياتها سعيده وامد يدي وابارك لها
لتعرف قيمة وقدر الانسان اللذي باعته وقد جاء يبارك لها فرحها ويكتم آهاته واحزانه Sad

حتى لاتشعر بالذنب
واقول لك عزيزي احمد درار
هو يسوي الغلط وانا اسوي كتر خيرو
وجفاهو معاي اخيرلي من محنت غيرو

موضوع: رد: من باعنا بعناهُ 31/5/2009, 16:11

اخي العزيز احمد درار تحياتي
الباعك بيعو هذه مقولة اري انها لست صحيحة
واري الاقرب للصحيح النساك انساهو
لان الاولي تعني الانتغام او اخذ الثأر
او بي البلدي تتسدا فيهو
وحينها لا يكون هذا حب لان من يكره لا اظنه كان يحب
ومن يكره بعد الحب يكون في شخصيته تناقض
ويكون غير متسامح مع نفسه اولا
انا بسامح الحبيب مها اخطأ في حقي
وهذا ليست معناهو ان اعود اليه
لاني لايمكن ان اثق فيه (لا يلدغ المؤمن من جحر مرتين) حسب قول الحبيب المصطفي صلي الله عليه وسلم
نعم اسامحه واتمني له كل الخير واشاركه في افراحه واتراحه
وهذا ما حوته رائعة الفنان عبد الرحيم ارقي
والبيت الذي زكرته كان في غير مكانه
لان المحبوبة اتمنت لمن باعها الخير
والبيت المزكور كان لقلبها وليس لحبيبها
اما عن سؤالك
هل من المعقول ان نستغنى عن قلوبنا للإحتفاظ بكرامتنا ؟
اقول لك لا ونعم
لان الاحتفاظ بالقلب يتطلب الاحتفاظ بالكرامة
ولو فقدت الكرامة ستفقد القلب لانه سيموت ولا يهمه شئ بعد ذلك
ويا معاوية لا اتفق معك في
ومنها يمكن ان تضحي البنت بحبها لحوجة اهلها للمال نسبةً لظروف الحياه والمدارس
لانه هذا اسوأ انواع البيع
والرزق لا يأتي بالزواج او بعدم الزواج
الرزق من عند الله والتي تبيع محبوبها لهذا السبب هي لا تؤمن بالله
والرسول (ص) قال : تزوجوا فقراء يغنكم الله

ما تظن انا بي وراك ابقي زي عصفور كسير
ابقى بين صمتي وهواي وطول زماني اسير اسير
اللي مهد ليك طريق وقسا قلباً كان كبيير
بكرة يديني الامان وابدا في السموات اطير

وراجع تاني لو ربنا مدا في الايام

موضوع: رد: من باعنا بعناهُ 1/6/2009, 20:51

شكرا يالجنيد على الايضاح الشامال

موضوع: رد: من باعنا بعناهُ 2/6/2009, 21:57

اشكركم على المرور....ورداً على كل هذه التعليقات ولكل شخص رأيه انا من وجهة نظرى
لايمكن لاى شخص ان يبيع شخصه الاخر من اجل إرضاء الوالدين او لتحسين
ظروف الاسره الماديه...والبعض يتمسّك بمقولة القسمه والنصيب
ليدارى إجحاده فقط....وردى انا شخصياً..

ما تتهنى وما تجيك سعاده وما تتقدم خطوه لى قدام ويلقاك قطر يدوسك وما تقوم
تانى..ولو كباية المويه تبقى ليك دواء ما بديك ليها...واى مصيبه فى الدنيا
تنزل عليك..
واشكركــــــــــــــــم علـــــــــى المــــرور

موضوع: رد: من باعنا بعناهُ 4/6/2009, 04:49

قدر كدا متالم يادرار خليك مسامح واللة الشايقيه ماليها حق affraid

موضوع: رد: من باعنا بعناهُ 4/6/2009, 14:50

بريدك فوق حدود الريد وما داير تمن يا السمحة لي ريدي
بريدك واهدي ليك عمري غنا الطنبور حروف شعري وانشيدي

كفاية انو تكوني مرتاحة ويكون يا روحي حالك زين
وعيونك تبقي ليَّ وطن واشوف فيكي الاهل طيبين
واردد عشت يا وطني وتشيل الدنيا ترديدي
وتبقي انشودة للفرحة ودا زاتو يكون تمن ريدي

موضوع: رد: من باعنا بعناهُ 4/6/2009, 21:56

ما بخاف من شىء برضي خابر
المقــدر لابـد يكـــــــون
إن اتاني الهـم جيشه دافر
يلقى يا خـلاي صـبري وافـر

موضوع: رد: من باعنا بعناهُ 4/6/2009, 22:43

صبرت على جراحو زمن سكبت على مواجعو غناك
لاهــــماهـــــــو نوحك قلبو فى اخر المطاف خلاك

موضوع: رد: من باعنا بعناهُ 6/6/2009, 17:07

معنى هذا ...إنه كالصخره الصمّاء
ما يستاهلك...وما تندم عليه

موضوع: رد: من باعنا بعناهُ 7/6/2009, 03:53

لا والله يا درار هو رق من النسيم
ما شايف الزول دا راقد صلطه كيف

موضوع: رد: من باعنا بعناهُ 9/6/2009, 17:09

إذا كان كده يا متوكل ليه حق الزين يرقد صلطه
ولازم نقيف معاهو...لنصرة الحب الحقيقى

موضوع: رد: من باعنا بعناهُ 10/6/2009, 05:11

لك التحية الاخ الغالي احمد درار ديما تاتي بالمواضيع الساخنة.(((كا من يشتري بالغالي لايبع بالسهوله))

موضوع: رد: من باعنا بعناهُ 10/6/2009, 21:00

لك التحيه الاخ معتصم واشكرك على المرور
وين مسجل غياب ليك زمن ..إنشاء
الله المانع خير

موضوع: رد: من باعنا بعناهُ 11/6/2009, 05:47

[b]تقيفو معاي بعد باعونى زادو اساى
اقيفو معاى المم لـــــو قدرت قواى[/b]