ياجماعة الخير قولو خير

موضوع: ياجماعة الخير قولو خير 11/6/2009, 18:38

الاخوة الاعزاء اعضاء المنتدى: لدي بعض الملاحظات على ماتم تناوله من مواضيع في المنتدى: اولا: بعض المواضيع والمساهمات ذات طابع شخصي ويخضع تناولها للعلاقات الشخصية والخاصة بين بعض الاعضاء((الكلام دا ليك يا المنطط عينيك)) اقصد((جماعةالشواكيش)) ياجماعة الحاجات اللي زي دي ما المفروض تناقش في المنتديات العامة.. ممكن الاعضاء يتناولوها في الرسائل الخاصة فيما بينهم او عبر غرفة الدردشة.. . والمنتدي يا اخوان موجود على الانترنت وممكن لاي زول وفي اي مكان في الدنيا يقرأ الكلام دا وخصوصا الناس البعرفو جرا من مناطق الشمالية الاخرى... حتى ولو كان غير عضو واعتقد مافي داعي لشيل الحال.. وعشان نكون عمليين والناس ماتقول علينا نحن اولاد جرا مشيولين حال وبتاعين فارغة حبكانات وحاجات زي كدا .. ارجو انو الناس مايفهموني غلط ويقولو انو انا بعترض على العلاقات الخاصة بين الناس.. بس الخاص لازم يكون في المكان الخاص والمنتدى مكان عام .. وزيادة على ذلك لاحظت ان اعضاء المنتدى كلهم من الشباب وناس صغار في السن وعشان نكسب اعضاء من ناس البلد الكبار والناس اللي عندهم خبرة وتجربة في الحياة ونستفيد منهم ونتعاون معهاهم في تحقيق اهداف المنتدى وتقديم خدمة للبلد ولكل زول جراوي اينما كان لازم نخلي الحاجات الخاصة بعيد عشان لو اي زول كبير في السن قرأ الحاجات دي بقول ديل اولاد شباب بناقشو مواضيعهم الخاصة .. الا اذا كان المنتدى خاص بفئة عمرية معينة!! ارجو من الاخوة المشرفين ان يفيدوني في هذه النقطة.

ثانيا:الا ما ندر,, لاتوجد مواضيع تناقش المشاكل العامة للبلد وكيفية المساهمة في معالجنها مثل التعليم والصحة والخدمات الاخرى وكذلك مشاكل المشاريع الزراعية والحياة الاقتصادية العامة للقرية فيمكن للاخوة الاعضاء خصوصا المتواجدين في البلد او القريبين منها بحكم اماكن تواجدهم ان يطرحو مثل هذه المواضيع ويساهم الجميع بالمناقشة وابداء الآراء..( واشير هنا الى ان الاخ احمد درار سبقني بهذا الاقتراح) وكذلك يمكن مناقشة المواضيع والمشاكل الاجتماعية سواء كانت خاصة بجرا او مواضيع عامة تهم الاعضاءـ ولما لاــ حتى المواضيع الاقتصادية والسياسية العامة حتى نستفيد من اراء وافكار بعضنا البعض

ختاما اكرر قولي ياناس الشواكيش آلامكم دي اطرحوها فيما بينكم..وكان انا غلطان قولو لي هذا والله من وراء القصد

والسلام عليكم

موضوع: رد: ياجماعة الخير قولو خير 11/6/2009, 19:41

ليك التحية الأخ محمد بابكر وكلامك يعجب وسبق أن كتبت الأخت عابده
في هذا الموضوع لأكن للأسف فوهمت غلط وانأ بصراحة مع الفكرة وما عندي
اى مانع تحذف كل مساهمه لا تخدم مصلحه المنتدى حتى ولو أنا الذي كتبتها0
ولك خالص الشكر والتقدير

موضوع: رد: ياجماعة الخير قولو خير 12/6/2009, 05:59

اولا نرحب بالعضو محمد بابكر
ثانيا نقول ليه كلامك صاح ميه ميه ونتظر منك الجديد

موضوع: رد: ياجماعة الخير قولو خير 12/6/2009, 18:33

شكرا الاخ الزين على المرور

موضوع: رد: ياجماعة الخير قولو خير 12/6/2009, 18:38

شكرا الاخ متوكل على المرور وبصفتك االمشرف على المنتدي ياريت تبدأ بتوجيه رسايل لجميع الاعضاء لابدااء الراي في هذا الموضوع ومن ثم مباشرة الاجراءات التي يتفق عليها الاغلبية..ـ

موضوع: رد: ياجماعة الخير قولو خير 12/6/2009, 20:24

شكرا العضو محمد علي هذه الملاحظات والارشادات ....!

المنتدي يفتقد الكتير والكتير ولذلك تدخل اعضاء المنتدي في خصوصيات بعضهم البعض وناقشوا مشاكلهم الخاصة ....!

واسرد لك بعض هذه العواقب :
1) عددية اعضاء المنتدي غير كافية لنشر مواضيع جديدة وفعاله ( 38 عضو مسجلين منهم 8 فقط مساهمين ومشاركين بصوره جيده ).
2) بعد او اغتراب الاعضاء من جرا لظروف اجتماعية او عملية او دراسية او غيرها "،وادي لعدم إلمامهم بالمشاكل الخدمية الا القليل منها . (يظهر هنا دور واهمية وجود الرابطة او الجمعية)
3) حدودية ابناء القرية الذين يستخدمون النت او التعامل مع الكمبيوتر او عدم توفر خدمة النت لمستخدمي الكمبيوتر .
4) الاعضاء بالمنتدي من فئة الشباب (جيلين فقط ) من هنا يفتقد دور ذوي الخبره وذاكرت الارشيف .
5) الاعلام غير كافي لابناء القرية لوجود منتدي بالنت ....

ومن وسعنا ان نطور المنتدي ليعكس الصوره الطيبة والاجمل لامنا جرا ...!
الي المام يا اعضاء انشاء الله *** جرا في قلوبنا جميعا
جرا الخضراء عالم جميل

موضوع: رد: ياجماعة الخير قولو خير 12/6/2009, 21:40

لك التحيه الاخ محمد بابكر مرحب بيك واشكرك على هذا الإيضاح...احيطك علماً
بان هذا المنتدى ليس مختصِر على عمر محدد.. ولكن نحن إنحرفنا قليلاً نسبةً
لقلة الاعضاء بالمنتدى وكنا ننتظر زيادة الاعضاء ومن لديهم خبره اكثر مِنّا لطرح
المواضيع الهامه التى تخص العامه والقريه....ونحن فى إنتظار كل من يمد يده
ليسطر كلمات يستفيد منها الغير ...

واشكركم على الإصغاء

موضوع: رد: ياجماعة الخير قولو خير 13/6/2009, 14:46

شكرا اخونا فارس..على العموم وسائل الاتصال ونقل الاخبار اصبحت ساهلة جدا هذه الايام يعني عن طريق مكالمة لمدة عشرة دقايق الواحد ممكن يعرف كل الحاصل في البلد... والسفر الى البلد اصبح ساهل جدا والناس من الخرطوم وعطبرة بقت تمشي البلد خميس وجمعة

موضوع: رد: ياجماعة الخير قولو خير 13/6/2009, 15:12

لك التحية الاخ احمد درار وانت تتواصل من على البعد الابعد مننا..ـ

والقضية ما قضية عدد او كم.. بس محتاجين شوية جدية ونشيل هم اهلنا في البلد.. والبركة في الناس الموجودين ولو مجرد طرح القضية او المشكلة وابداء الآراء فيها...ـ

موضوع: رد: ياجماعة الخير قولو خير 13/6/2009, 17:01

ننتظر جديدك

موضوع: رد: ياجماعة الخير قولو خير 15/6/2009, 18:10

خييييييييييييييييييير
يا محمد بابكر ولك التحيه
وسبق ان قلت لك مكانك شاغر ولايشغله غيرك

بالنسبه للخصوصيات والونسه
كما سبقني الاعضاء القدامى في المنتدى
المشكله كانت في عدد المشاركين
وفي بداية المنتدى كان يتطلب جذب الاعضاء
وعدم تقييدهم بالمواضيع الجاده والمهمه
ففضلنا ان تكون البدايه تعارف ودردشه وونسه
حتى يزيد العدد
وهذا لاينفي وجود مواضيع جاده
وقمنا بمناقشة بعض المواضيع وللمثال لا للحصر
موضوع الرابطه
وطرحه عدد من الاعضاء
وموضوع تطوير القريه ( تعليم وصحه وواجهة القريه ... الخ)
وكتبه عمار ابكدوس بعنوان ( جرا مدينتي)
عموماً نحن معك قلباً وقالباً

ولكن قليلاً من الترفيه لايعني عدم الجديه

دمت بود عزيزي محمد بابكر المؤمن

موضوع: رد: ياجماعة الخير قولو خير 16/6/2009, 20:58

التحيه لكل من ساهم برأيه فى هذه المساحه من اجل ترقية
القريه...صلوا على اشرف الخلق والمرسلين

موضوع: رد: ياجماعة الخير قولو خير 17/6/2009, 16:39

الاخ محمد بابكر لك التحيه والوفاء ومشتاقين وكلامك فى محلو ونرجو منك المزيد والتواصل

موضوع: رد: ياجماعة الخير قولو خير 17/6/2009, 20:56

اخي محمد بابكر كلامك صحيح ولكن المشكلة كبيرة سأتكلم عنها في عدة ردود
ولعلك لاحظت الجدول اعلاه
اولا: عدد الاعضاء هو35 وليس39 لان هنالك 4 اعضاء مسجلين باسمين
ثانيا : هنالك 6 اعضاء لم يسجلو الدخول للمنتدي من يوم عملوا اجراءات التسجيل
وهذا يعني انهم لم يسجلوا رغبة في الكتابة في المنتدي وهم في اخر الجدول من 34 الي 39
يعني اصبح عدد الاعضاء 29
ثالثا : لاحظ للاعضاء من رقم 18 الي اخر الجدول لم يسجلوا دخول من 31 -5
اي اصبح عدد الاعضاء النشطين 17 عضو
رابعا : اخر اسبوع دخل في المنتدي 14 عضو وهم الاعضاء الحقيقين وساثبت ذلك في المداخلة التالية

موضوع: رد: ياجماعة الخير قولو خير 17/6/2009, 21:17

يا محمد دي احصائية حسب عدد المشاركات
من 28 الى النهاية تجد مشاركاتهم صفر اي اصبح عدد الاعضاء 27

ولاحظ للاعضاء من 15 الى النهاية ستجد ان مشاركاتهم اقل من 10 رغم ان بعضهم
سجل قبل عدة شهور وهذا يجعل عدد الاعضاء النشطين 14 عضو
وهذا نفس العدد الذي توصلت اليه من الاحصائية السابقة

موضوع: رد: ياجماعة الخير قولو خير 17/6/2009, 22:04

ذلك احصاء دقيق من الاخ الجنيد
اطلب منه ان يمدنا بارقام الهواتف النقالة لكل الاعضاء اذ امكن وتكون بنفس السياق اعلاه
تحياتى الى ابو منذر

موضوع: رد: ياجماعة الخير قولو خير 17/6/2009, 22:31

بعض الاعضاء تلفوناتم مكتوبة في البوست الخاص بالتعريف بالاعضاء في المنتدي الاجتماعي
بحاول بكرة اجمعها باذن الله لو لقيت طريقة لانه اسع انا طالع

» صباح الخير ياجرا